హాజ్ యాత్రకు రెండో బృందం
గన్నవరం, మే 28
2024 పవిత్ర హాజ్ యాత్రను రాష్ట్ర మైనారిటీ సంక్షేమ శాఖ కార్యదర్శి, చైర్మన్ హాజ్ ఆపరేషన్స్ శ్రీ హర్షవర్ధన్ మంగళవారం మధ్యాహ్నం గన్నవరం ఈద్గా జామా మసీద్ హాజ్ క్యాంప్ వద్ద పచ్చ జండా ఊపి ప్రారంభించారు. 322 మందితో రెండో బృందం ఈరోజు సాయంత్రం 4:55 గంటలకు విమానంలో జెడ్డా బయలుదేరి వెళ్లింది.
వక్ఫ్ బోర్డ్ సీఈవో మరియు హాజ్ కమిటీ ఈవో అబ్దుల్ ఖదీర్, హాజ్ కమిటీ సభ్యులు సిఆర్డిఏ అదనపు కమిషనర్ అలీం భాష , దూదేకుల కార్పొరేషన్ ఎండి గౌస్ పీర్, ఉర్దూ అకాడమీ డైరెక్టర్ మస్తాన్ వలి, రాష్ట్ర మైనార్టీ సంక్షేమ శాఖ డిప్యూటీ సెక్రటరీ శ్రీనివాస్ హాజ్ యాత్ర శుభప్రదం కావాలని, యాత్రికులకు అభినందనలు తెలిపారు.
అదేవిధంగా 48 మందితో మూడో బృందం 29వ తేదీ బుధవారం ఉదయం 7.10 గంటలకు గన్నవరం విమానాశ్రయం నుండి విమానంలో బయలుదేరి హజ్ యాత్రకు వెళ్తారని కమిటీ తెలిపింది.
