ప‌ల్నాడు:  గతంలో రైతుకు ఏమీ చేయని చంద్రబాబు.. ఇప్పుడు మేలు చేస్తాడట. చంద్రబాబుది బోగస్‌ రిపోర్ట్‌.. వైయ‌స్ జగన్‌ది ప్రొగ్రెస్‌ రిపోర్ట్ అని ముఖ్య‌మంత్రి వైయ‌స్ జ‌గ‌న్ మోహ‌న్ రెడ్డి పేర్కొన్నారు. వ్యవసాయం దండగ అన్న వ్యక్తి చంద్రబాబే. కరెంట్‌ తీగలపై బట్టలు ఆరేసుకోవాలన్న వ్యక్తి చంద్రబాబు  అంటూ సీఎం వైయ‌స్ జగన్‌ ధ్వజమెత్తారు. ఈ ఎన్నికలు జగన్‌కు, చంద్రబాబుకు మధ్య జరుగుతున్న ఎన్నికలు కావు. ప్రజలకు, చంద్రబాబు మోసాలకు మధ్య జరుగుతున్న ఎన్నికలు. వైయ‌స్ జగన్‌కు ఓటేస్తే.. ఇప్పుడున్న పథకాలు కొనసాగుతాయి. చంద్రబాబు అంటే ఎన్నికల ముందు గంగా.. అధికారం దక్కిన తర్వాత  చంద్రముఖి. చంద్రబాబుకు ఓటేస్తే పేదవాళ్లు మోసపోతారు. ఇవి పేదల తలరాతను మార్చే ఎన్నికలు. మేం ఎప్పుడూ పేదల పక్షమే. జరుగుతున్న మంచి కొనసాగాలంటే జగన్‌కు ఓటేయాలి. బాబుకు ఓటేస్తే ఇప్పుడున్న పథకాలన్నీ ఆగిపోతాయి.. పచ్చమీడియా గాడిదను తీసుకొచ్చి గుర్రం అని ప్రచారం చేస్తాయ‌ని సీఎం వైయ‌స్ జగన్‌ మండిపడ్డారు. ‘మేమంతా సిద్ధం’ బస్సు యాత్రలో భాగంగా 12వ రోజు బుధవారం సాయంత్రం పల్నాడు జిల్లా పిడుగురాళ్ల అయ్యప్పనగర్‌ బైపాస్‌ వద్ద నిర్వహించిన బహిరంగ సభలో సీఎం వైయ‌స్ జ‌గ‌న్ ప్ర‌సంగించారు.

సీఎం వైయ‌స్ జ‌గ‌న్ ఏమ‌న్నారంటే..

*ఈ జనసంద్రం– పగలే కోటప్పకొండ తిరునాళ్లు*

పల్నాడు జిల్లా సిద్ధం..పిడుగురాళ్ల సిద్ధం.. ఈరోజు ఇక్కడ ఈ జనసముద్రాన్ని చూస్తుంటే… మళ్లీ కోటప్పకొండ తిరునాళ్లు నెలరోజుల్లోనే మళ్లీ పట్టపగలే కనిపిస్తోంది. గత ఐదేళ్లుగా మన ప్రభుత్వంలో ఇంటింటికీ వచ్చిన అభివృద్ధిని, సంక్షేమాన్ని, లంచాలు, వివక్ష లేని పాలనను, ఆ దుష్ట కూటమి, ఆ ఎల్లో మీడియా.. వీరందరి కబంధ హస్తాల నుంచి కాపాడుకునేందుకు ఈ రోజు ఇక్కడ కనిపిస్తున్న దృశ్యాన్ని చూస్తుంటే… పలనాటి సీమ పౌరుషంతో జన సముద్రం అయ్యింది.

*సిద్ధం సిద్ధమనే మీ నినాదాలు – మన జైత్రయాత్రకు శంఖారావం.*

సిద్ధం.. సిద్ధం అంటూ.. మీ నినాదాలు మన జైత్ర యాత్రకు శంఖారావంలా వినిపిస్తుంటే… అధికారంలో ఉన్నప్పుడు ఏ మంచి ఏ పేదకూ చేయని పెత్తందార్ల గుండెల్లో మాత్రం మీరు చేస్తున్న సిద్ధం సిద్ధం అన్న నినాదం.. యుద్ధం యుద్ధం అని ప్రతిధ్వనిస్తోంది వారి గుండెల్లో రైళ్లు పరుగెత్తిస్తూ. పేద వాడి భవిష్యత్తును, ఇంటింటి అభివృద్ధిని వెలుగు నుంచి చీకటికి తీసుకుపోదామని ఆ జిత్తుల మారి మోసాల పార్టీలు చేస్తున్న కుట్రలు, కుతంత్రాలను, వారి మోసాలను, అబద్ధాలను ఎదుర్కొనేందుకు మీరంతా.. సిద్ధమేనా?

*ఇంటింటి అభివృద్ధికి మీరు సిద్దమేనా?*

పేద వాడికి అండగా, మనందరి ప్రభుత్వానికి తోడుగా, మళ్లీ అధికారంలోకి తీసుకొచ్చేందుకు, ఇంటింటి అభివృద్ధిని కొనసాగించేందుకు మీరంతా కూడా సిద్ధమేనా? అని అడుగుతున్నాను. మే 13వ తారీఖున జరగబోయే ఎన్నికల కురుక్షేత్రంలో.. ఇవి కేవలం  ఎమ్మెల్యేలను, ఎంపీలను ఎన్నుకునే ఎన్నికలు మాత్రమే కావు. ఈ ఎన్నికలు గత 58 నెలలుగా మీ పిల్లల చదువులు, వారి భవిష్యత్, అక్కచెల్లెమ్మల సాధికారత, అవ్వాతాతల సంక్షేమం, రైతులకు అందుతున్న భరోసా, పేద సామాజికవర్గాలకు అందిన న్యాయం, ఇవన్నీ కూడా కొనసాగి మీ ఓటు వల్ల మరో రెండు అడుగులు ముందుకు వేయాలా? .. లేక మోసపోయి అంధకారంలోకి వెళ్లాలా అన్నది నిర్ణయించే ఎన్నికలు.. ఈ ఎన్నికలు.

అందుకే నేను చెబుతున్నాను. మళ్లీ మళ్లీ చెబుతున్నాను. ఈ ఎన్నికలు కేవలం ఎమ్మెల్యేలను, ఎంపీలను ఎన్నుకొనే ఎన్నిక మాత్రమే కాదు అని. ఈ ఎన్నికలతో, మనం వేసే ఓటుతో మన తలరాతలు మారతాయని ప్రతి ఒక్కరూ జ్ఞాపకం ఉంచుకోమని మరొక్కసారి చెబుతున్నాను. ఇవి జగన్‌ కు, చంద్రబాబు నాయుడుకు మధ్య జరుగుతున్న ఎన్నికలు కావు. ఈ ఎన్నికలు ప్రజలకు, మరీ ముఖ్యంగా పేదలకు, చంద్రబాబు గారి మోసాలకు మధ్య జరుగుతున్న ఎన్నికలు ఈ ఎన్నికలు.

ఈ ఎన్నికల్లో మీబిడ్డది, జగన్‌ ది పేదల పక్షం అని చెప్పడానికి గర్వపడుతున్నాను ఈ వేదికపై నుంచి. మరొక్కసారి చెబుతున్నాను. కాబట్టే చెబుతున్నాను. మీ ప్రతి ఓటూ, మీకు మీరుగా మీ కుటుంబం అంతా వచ్చే 5 సంవత్సరాలు మన ఓటు మీద ఆధారపడి ఉంది మన భవిష్యత్తు కాబట్టి. ఏ దారిలో మనం ప్రయాణం చేయాలి అనే అంశం మీద ప్రతి ఒక్కరూ కూడా లోతైన ఆలోచనతో మీ కుటుంబ సభ్యులందరితో కలిసి కూర్చొని ఆలోచన చేసినిర్ణయం తీసుకోమని కోరుతున్నాను.

*బాబుకు ఓటేస్తే పథకాలు ఆగిపోతాయి…*

జగన్‌ కు ఓటు వేస్తే ఇప్పుడు జరుగుతున్న మంచీ కూడా కొనసాగింపబడుతుంది. అదే చంద్రబాబుకు పొరపాటున ఓటు వేస్తే పథకాలన్నీ కూడా ఆగిపోతాయి. ప్రజలందరూ కూడా, పేదలందరూ కూడా మోసపోతారు అన్నది కూడా చరిత్ర చెబుతున్న సత్యం అన్నది కూడా ప్రతి ఒక్కరూ జ్ఞాపకం పెట్టుకోమని కోరుతున్నాను. చంద్రబాబు అంటే ఆయన గుణగణాలు ఎలా ఉంటాయంటే.. ఎన్నికలకు ముందు ఆయన గంగ, అధికారం దక్కిన తర్వాత మాత్రం ఆయన చంద్రముఖి. లకలకా.. అంటూ పేదల రక్తాన్నిమాత్రమే తాగే చంద్రముఖి.

*ఓ ఫ్యాక్ట్‌ చెక్‌ చేద్దామా?*

బాబుగారి గురించి ఈరోజు ఈ సిద్ధం సభకు వచ్చిన లక్షల మందితో కలిసి నేను కొన్ని నిజానిజాలు తేల్చదల్చుకున్నాను. ఈరోజు ఇక్కడ మీరు, నేను జాయింట్‌ గా ఓ ఫ్యాక్ట్‌ చెక్‌ చేద్దామా? ఓ నిజ నిర్ధారణ చేద్దామా? ఈ చంద్రబాబు గురించి ఎల్లో మీడియా.. అంటే ఆయన పచ్చమీడియా, అంటే ఈనాడు, ఆంధ్రజ్యోతి, టీవీ5.. ఈ చెత్త మీడియా చేస్తున్న ప్రచారం ఏమిటి? వాటిలో ఏది నిజం, ఏది అబద్ధం ఒక్క విషయాన్ని మీ ముందు పెట్టి నిజాలు నిగ్గు తేలుద్దామా? మీరంతా కూడా రెడీనా అని అడుగుతున్నాను.

*గాడిదను గుర్రం చేసే ఎల్లో మీడియా..*

వారు చెప్పే అబద్ధాలు, వారు చెప్పే మోసాలన్నీ కూడా ఈరోజు మీ కళ్ల ఎదుట పెట్టి ఇద్దరం కలిసి జాయింట్‌ గా నిజ నిర్ధారణ చేద్దామా అని అడుగుతున్నాను. ఈ ఎల్లో మీడియా.. అంటే ఈ ఈనాడు, ఆంధ్రజ్యోతి, టీవీ5.. వీరు ఎంత ప్రమాదకారులు అంటే వీళ్లంతా కూడా చంద్రబాబుతో కూడబలుక్కుని వీరంతా ఒక నిర్ణయానికి వస్తారు. వచ్చిన తర్వాత వచ్చిన తర్వాత ఏం చెస్తారో తెలుసా అక్కా? తెలుసా అన్నా? వీరంతా కలిసి ఒక గాడిదను తీసుకొస్తారు. ఆ గాడిదను గుర్రం గుర్రం అంటూ పదే పదే వీళ్లంతా కూడా ఊదరగొడతారు.ఇదీ ఈ పచ్చ మీడియా చేసే కార్యక్రమం. ఇలాగే ఈ పచ్చమీడియా ఈ చంద్రబాబు.. వీళ్లు చేస్తున్న కుట్ర రాజకీయాలు, మోసపు రాజకీయాలు, అబద్ధపు రాజకీయాలు గత 30 ఏళ్లుగా వీళ్లంతా చేస్తూ వస్తున్నారు. ఈ 30 ఏళ్లుగా ఏం చేశారో, ఏం చేస్తున్నారో ఒక్కసారి గమనిస్తే కొన్ని విషయాలు మీ అందరితో పాలు పంచుకుంటాను.

*మీ అందరి ముందు వాస్తవాలు తేలాలి…*

ఈరోజు కొన్ని వాస్తవాలు మీ అందరి సమక్షంలో ఈ ఫ్యాక్ట్‌ చెక్‌ కార్యక్రమంలో ఈ విషయాలన్నీ కూడా తేలిపోవాలి. మీ అందరితో ఆలోచన చేయమని కోరుతున్నాను. మొదటిది.. వీళ్లంతా అంటే ఎల్లో మీడియా, చంద్రబాబు భ్రమ కల్పిస్తుంటారు. జాబు రావాలి అంటే బాబు రావాలి అని భ్రమ కల్పిస్తుంటారు. మీ అందరికీ గుర్తుందా? 2014లో కూడా ఎన్నికలకు ముందు ఇదే మాదిరిగా చెప్పారు. టీవీల్లో ఎక్కడ చూసినా అడ్వరై్టజ్‌మెంట్లు్ల ఇవే. జాబు రావాలి అంటే బాబు రావాలనే అడ్వర్టైజ్‌మెంట్లు. ఇదే కదా వాళ్లు చెప్పినది.

మరి ఈరోజు నేను ఇంత పెద్ద సిద్ధం సభలో అడుగుతున్నాను. మీ అందరి సమక్షంలో అడుగుతున్నాను. చంద్రబాబు అధికారంలోకి ఎన్ని సార్లు వచ్చాడన్నా.. ఎన్ని సార్లు వచ్చాడక్కా.. మూడు సార్లు ముఖ్యమంత్రిగా అధికారంలోకి వచ్చాడు. 14 ఏళ్లు ఆయన ముఖ్యమంత్రిగా పరిపాలన చేశాడు. మరి మీ ఇంట్లో గానీ, మీఇంటి చుట్టుపక్కలగానీ ఎవరికైనా చంద్రబాబు ఆయన హయాంలో గవర్నమెంట్‌ జాబు ఎవరికైనా వచ్చిందా? అని అడుగుతున్నాను మీ అందరితో కూడా. వచ్చిందా అన్నా? వచ్చిందా తల్లీ?

*మీ జగన్‌ వచ్చిన తర్వాత 1.35 లక్షల సచివాలయ ఉద్యోగాలు.*

వచ్చింది అని సమాధానం లేకుండా రెండు చేతులూ ఇలా పైకెత్తి రాలేదు రాలేదు అని మాటలు వినిపిస్తుంటే.. మరి మీ జగన్‌ వచ్చిన తర్వాత.. మీ బిడ్డ వచ్చిన తర్వాత మీ జగన్‌ రావటంతోనే ఏకంగా మీ గ్రామాల్లోనే మీ ఇంటి పక్కనే, మీ చుట్టుపక్కలే ఏకంగా ప్రతి గ్రామంలో ఒక సచివాలయం తీసుకొచ్చి, ఆ సచివాలయాల్లో ఏకంగా 1.35 లక్షల మంది మన పిల్లలు ఈరోజు ఉద్యోగాలు చేస్తున్నారు. మన పిల్లలు, మన గ్రామాల్లోనే మన చెల్లెమ్మలు, మన తమ్ముళ్లు ఏకంగా 1.35 లక్షల మంది మన గ్రామాల్లో, మన కళ్ల ఎదుటే గవర్నమెంట్‌ ఉద్యోగాలు చేస్తూ చిక్కటి చిరునవ్వులతో కనపడుతున్నారు. ఇందులో కూడా 80 శాతం మంది నేను నా.. నా.. నా.. నా.. అని పిలుచుకునే నా ఎస్సీలు, నా ఎస్టీలు, నా బీసీలు, నా మైనార్టీలు ఏకంగా 80 శాతం మంది ఉద్యోగాలు చేస్తూ కనిపిస్తున్నారు.

*వైద్య ఆరోగ్యరంగంలో 54వేల ఉద్యోగాలు భర్తీ.*

మన ప్రభుత్వం రానంత వరకు ఏ గవర్నమెంట్‌ హాస్పిటల్‌ కు పోయినా కూడా అక్కడ డాక్టర్లు, నర్సులు, ఇతర సిబ్బంది, పరికరాలు, మందులు లేవు అన్న పరిస్థితి నుంచి ఈరోజు ఒక్క వైద్య ఆరోగ్య రంగంలో మాత్రమే మీ బిడ్డ వచ్చిన తర్వాత ఈ 58 నెలల కాలంలోనే అక్షరాలా 54 వేల పోస్టులు నియమించాడు. ఈరోజు ఆరోగ్య రంగాన్ని మీ బిడ్డ విప్లవాత్మక మార్పులు చేస్తూ అడుగులు ముందుకు వేయిస్తున్నాడు.

ఈరోజు మీలో ఎవరైనా కూడా గవర్నమెంట్‌ హాస్పిటల్‌ కు పోతే గతంలో మాదిరిగా డాక్టర్లు లేరు, నర్సులు లేరు, పారామెడిక్స్‌ లేరు అన్న పరిస్థితి నుంచి పోయి ఈరోజు ప్రతి పేదవాడికీ చిక్కటి చిరునవ్వులతో అదే గవర్నమెంట్‌ హాస్పిటల్‌ లో కూడా వైద్య సేవలు అందుబాటులో ఉన్నాయా లేదా? అని అడుగుతున్నాను.

*మొత్తం 58 నెలల్లో 2.31 లక్షల ఉద్యోగాలు భర్తీ.*

మొత్తంగా ఈ 58 నెలల్లోనే మీ జగన్‌ పాలనలోనే ఎప్పుడూ జరగనట్టుగా మనకు స్వతంత్రం వచ్చిన తర్వాత ఇప్పటి దాకా మీ బిడ్డ పాలన రాక ముందు వరకు కూడా మన రాష్ట్రంలో 4 లక్షల ఉద్యోగాలుంటే మీ బిడ్డ ఈ 58 నెలల కాలంలోనే గవర్నమెంటులో  అక్షరాలా మరో 2.31 లక్షల ఉద్యోగాలు భర్తీ చేశాడు. ఆలోచన చేయమని అడుగుతున్నాను. కేవలం ఈ 58 నెలల్లో మీ బిడ్డ హయాంలో ఏకంగా మరో 2.31 లక్షల ఉద్యోగాలు మీ బిడ్డ భర్తీ చేస్తే గతంలో ఇదే పెద్దమనిషి చంద్రబాబు నాయుడు 2014 నుంచి 2019 మధ్య ఆయన 3వ సారి ముఖ్యమంత్రిగా అయిన తర్వాత ఆ 5 సంవత్సరాలు ఎన్ని ఉద్యోగాలు నియామకం చేశాడు అంటే కేవలం 32 వేల ఉద్యోగాలు నియామకం చేసిన చరిత్ర ఆయనది.

*బాబు 5 ఏళ్ల హయాంలో కేవలం 32వేల ఉద్యోగాలు మాత్రమే భర్తీ.*

మరి ఎక్కడ మీ బిడ్డ చేసిన 2.31 లక్షల ఉద్యోగాలు మరి ఎక్కడ ఆ చంద్రబాబు చేసిన కేవలం 32 వేల ఉద్యోగాలు అని ఆలోచన చేయమని అడుగుతున్నా. మీ అందరినీ ఇవాళ అడుగుతున్నా. మరి జాబు కావాలి అంటే రావాల్సింది ఎవరు అని అడుగుతున్నాను. జాబు రావాలి అంటే కావాలి ఎవరు అని అడుగుతున్నాను. జాబు రావాలి అంటే ఫ్యాను రావాలా? లేక తుప్పు పట్టిన సైకిల్‌ రావాలా అని అడుగుతున్నాను.

*బాబుది బోగస్‌ రిపోర్టు– జగన్‌ది ప్రోగ్రస్‌ రిపోర్టు.*

జాబు విషయంలో బాబు ఇస్తున్నది భోగస్‌ రిపోర్టు. జగన్‌ ఇస్తున్నది కళ్ల ఎదుటే కనిపిస్తున్న ప్రోగ్రెస్‌ రిపోర్టు. ఒకవైపు గవర్నమెంట్‌ లో ఇవి మాత్రమే కాదు మీ బిడ్డ చేసినది. స్వయం ఉపాధి రంగాన్ని మీ బిడ్డ ప్రోత్సహించాడు. మొట్ట మొదటి సారిగా ఎంఎస్‌ఎంఈలకు చేయూతనిచ్చి ప్రోత్సహించిన ప్రభుత్వం ఏదన్నా ఉంది అంటే అది మీ బిడ్డ ప్రభుత్వమే. స్వయం ఉపాధిని ప్రోత్సహిస్తూ మీ బిడ్డ వాహన మిత్ర, నేతన్న నేస్తం, జగనన్న తోడు, జగనన్న చేదోడు, మత్స్యకార భరోసా, చేయూత, ఆసరా, సున్నా వడ్డీ.. ఇవన్నీ కూడా జగనన్న ప్రోత్సహించబట్టే స్వయం ఉపాధి రంగం ఈరోజు తన కాళ్ల మీద తాను నిలబడగలుగుతోంది. ఈరోజు కోట్ల మంది తమ కాళ్ల మీద తాము నిలబడగలిగి ఈరోజు రాష్ట్ర ప్రభుత్వం పరుగులు పెట్టే పరిస్థితిలోకి వచ్చిందని చెప్పడానికి గర్వపడుతున్నాను.

*నిర్మాణంలో 4 సీ పోర్టులు, 3 ఇండస్ట్రియల్‌ కారిడార్లు, 10 నోడ్స్‌.*

ఒకవైపు ఇవన్నీ చేయడమే కాకుండా.. మరోవైపున రాష్ట్రంలో ఎప్పుడూ జరగని విధంగా రాష్ట్రంలో కొత్తగా మరో నాలుగు సీ పోర్టులు ఈరోజు నిర్మాణంలో ఉన్నాయి. ఎప్పుడూ జరగని విధంగా మన ప్రభుత్వ హయాంలోనే ఈరోజు 3 ఇండస్ట్రియల్‌ కారిడార్లు, 10 ఇండస్ట్రియల్‌ నోడ్స్‌ కూడా వేగంగా పరుగులెత్తుతున్నాయి. ఎప్పుడూ జరగని విధంగా 10 ఫిషింగ్‌ హార్బర్లు, 6 ఫిష్‌ ల్యాండింగ్‌ సెంటర్లు కూడా ఈరోజు నిర్మాణంలో వేగంగా జరుగుతున్నాయి.ఎప్పుడూ జరగని విధంగా ఉద్యోగాల కల్పనలో మీ బిడ్డ అడుగులు వేస్తున్నాడు.

*ఈజ్‌ ఆఫ్‌ డూయింగ్‌ బిజినెస్‌లో ఏపీ నెంబర్‌ 1*

ఎంతటి వేగంగా అంటే ఈజ్‌ ఆఫ్‌ డూయింగ్‌ బిజినెస్‌ లో ఈరోజు ఆంధ్ర రాష్ట్రం దేశంలోనే వరుసగా ప్రతి సంవత్సరం నంబర్‌ వన్‌ గా ఉంది అంటే ఏ స్థాయిలో ఉందో ఆలోచన చేయమని కోరుతున్నాను.

ఇక రెండో విషయానికి వద్దాం.. వారు ప్రచారం చేసే ఇంకో బోగస్‌ రిపోర్టు చూద్దామా? రైతు అంటే బాబుకు ప్రేమట. నమ్ముతారా? రెండు చేతులూ పైకెత్తి చెప్పాలబ్బా. గతంలో ఏమీ చేయని బాబు.. ఇప్పుడు రైతుకు ఎక్కువ మేలు చేస్తాడట. ఇదీ వాళ్లు ఎల్లో మీడియా, చంద్రబాబు కొత్తగా చెబుతున్న మాటలు. మూడు సార్లు ముఖ్యమంత్రిగా చంద్రబాబు పరిపాలన చేశారు. 14 ఏళ్లు ముఖ్యమంత్రిగా చంద్రబాబు పరిపాలన చేశారు. మీ అందరి సమక్షంలో వాళ్లనుఅడుగుతున్నాను. అయ్యా చంద్రబాబూ.. నువ్వు రైతుకు ఏం చేశావు అని ఇదే సభాముఖంగా అడుగుతున్నాను.

*బాబూ రైతుకు నువ్వు ఏం చేశావ్‌…*

రైతుకు ఏం చేశాడో చెప్పడం ఆయన వల్ల కాదు గానీ నేనే చెబుతా ఆయన ఎంత ద్రోహం చేశాడో. చెప్పాలా? చెప్పాలా? వ్యవసాయం దండగ అన్న ఏకైక ముఖ్యమంత్రి ప్రపంచ చరిత్రలో ఎవడైనా ఉన్నాడు అంటే అది ఈ చంద్రబాబే. రైతుకు కరెంటు ఉచితంగా ఇస్తే ఆ తీగలపై బట్టలు ఆరేసుకోవాలి అన్నాడు కూడా ఈ చంద్రబాబే. ఈ రైతుల మీద ప్రేమలేని ఈ వ్యక్తే. ఏకంగా రైతులను విచారించేందుకు ప్రత్యేక పోలీస్‌ స్టేషన్లు నెలకొల్పిన వ్యక్తి. ప్రత్యేక కోర్టులు నెలకొల్పిన వ్యక్తి.. ఎవరైనా కూడా ఈ భారతదేశ చరిత్రలో ఎవడైనా ముఖ్యమంత్రి ఉన్నాడు అన్నాడంటే అది కేవలం ఈ ఒక్క నారా చంద్రబాబు నాయుడు గారే. ఇదీ చంద్రబాబు నాయుడు గారికి రైతుల మీద ఉన్న ప్రేమ. సరే ఇదంతా గతం.

*2014–19 వరకు బాబు విఫల హామీలు.*

మీ అందరికీ బాగా గుర్తు ఉండే ఉంటుంది కదా. 2014 నుంచి 2019 మధ్యలో.. ఇదే చంద్రబాబు నాయుడు ముఖ్యమంత్రిగా ఉన్నప్పుడు అధికారంలో ఉన్న మూడోసారి రైతులకు ఆయన ఏం చెప్పాడు? 2014 మేనిఫెస్టోలో ఏం చెప్పాడు? రైతులకు ఆయన ఏం చేశాడు? మీ అందరికీ గుర్తుందా? ఏకంగా రూ.87,612 కోట్లు రైతుల రుణాలన్నీ మాఫీ చేస్తానన్నాడు. చేశాడా?

రైతులకు పగటిపూటే 12 గంటల పాటు ఉచిత విద్యుత్‌ ఇస్తానన్నాడు. ఇచ్చాడా? బ్యాంకుల్లో పెట్టిన బంగారం విడిపిస్తానన్నాడు. విడిపించాడా? ఏ ఒక్కటైనా చేశాడా? పైగా రైతులకు సున్నా వడ్డా ఎగరగొట్టేశాడు. ఇన్‌ పుట్‌ సబ్సిడీ సైతం 2017 నుంచి ఎగ్గొట్టేశాడు. కరెంటు విషయంలోనూ బకాయిలే. ధాన్యం సేకరణలోనూ బకాయిలే, రైతుల నుంచి కొనుగోలు చేసిన విత్తనాలను సైతం ఇవ్వకుండా బకాయిలే. ఇవి చంద్రబాబు నాయుడు 2014 నుంచి 2019 మధ్యలో చేసిన ఆయన చరిత్ర.

మరి మీ జగన్‌ ఏం చేశాడో ఒక్కసారి ఆలోచన చేద్దామా? మీ బిడ్డ తొలిసారి ముఖ్యమంత్రి. కేవలం 58 నెలల పాలనలో మీ బిడ్డ చేశాడు. గతంలో ఎప్పుడూ జరగనట్టుగా, ఎప్పుడూ ఎవరూ ఆలోచన కూడా చేయనట్టుగా రైతన్నకు మొట్టమొదటిసారిగా ఈ రాష్ట్రంలో పెట్టుబడికి సహాయంగా రైతు భరోసా ఇస్తున్న ఏకైక ప్రభుత్వం ఈ రాష్ట్ర చరిత్రలో ఏదైనా ఉంది అంటే అదీ మీ బిడ్డ ప్రభుత్వం అని చెప్పడానికి గర్వపడుతున్నాను.

ఏకంగా ప్రతి ఏటా రూ.13500 ప్రతి రైతన్న చేతిలో పెడుతున్నాం. ఈ 5 సంవత్సరాల్లో ఒక్క రైతు భరోసా అన్న ఒక్క పథకం ద్వారా అక్షరాలా ప్రతి రైతన్నకూ రూ.67,500 ఇచ్చాం అని గర్వంగా చెబుతున్నాను. ఏమన్నా.. ఏమక్కా.. మీ బిడ్డ మేనిఫెస్టోలో రూ.50 వేలు ఇస్తానన్నాడు. చెప్పిందానికన్నా మిన్నగా రూ.67,500 ఇచ్చాడా? లేదా? అని అడుగుతున్నాను. మీ బిడ్డ వ్యవసాయానికి పగటిపూటే నాణ్యమైన 9 గంటల ఉచిత విద్యుత్‌ మీ బిడ్డ వచ్చిన తర్వాతే ఈ 58 నెలల కాలంలోనే ఏకంగా రూ.1,700 కోట్లు ఫీడర్లపై ఖర్చు చేసి పగటిపూటే 9 గంటలపాటు నాణ్యమైన ఉచిత విద్యుత్‌ ఇచ్చే కార్యక్రమం చేసిన వ్యక్తి ఎవరైనా ఉన్నారు అంటే ఈ రాష్ట్ర చరిత్రలో అది మీ బిడ్డే అని చెప్పడానికి గర్వపడుతున్నాను.

*రైతన్నను చేయిపట్టుకుని నడిపిస్తూ…*

మొట్ట మొదటి సారిగా ఎప్పుడూ కనీవినీ ఎరుగని విధంగా, రాష్ట్ర చరిత్రలో ఎప్పుడూ చూడని విధంగా మన గ్రామంలోనే రైతన్నను చేయి పట్టుకుని నడిపించే రైతు భరోసా కేంద్రాన్ని తీసుకొచ్చి దేశంలోనే రోల్‌ మోడల్‌ గా ఈరోజు ప్రతి రైతన్ననూ చేయి పట్టుకుని నడిపిస్తూ విత్తనం నుంచి పంట కొనుగోలు వరకు రైతన్నకు అడుగడుగునా తోడుగా ఉంటూ నడిపిస్తున్న ప్రభుత్వం దేశ చరిత్రలో ఏదైనా ఉంది అంటే అదీ మీ బిడ్డ ప్రభుత్వం అని చెప్పడానికి గర్వపడుతున్నాను.

*ఉచితంగా రైతన్నలకు పంటల బీమా.*

ఇంతకు ముందు రైతన్నకు పంటల బీమా కట్టాలంటే ఎలా కట్టాలో కూడా తెలియని పరిస్థితి. బ్యాంకు దగ్గరకు వెళ్తే బ్యాంకులు క్రాప్‌ లోన్లు ఇస్తే ఆ క్రాప్‌ లోనులో బ్యాంకులు 4 శాతమో, 5 శాతమో రైతుల తరఫున ఇన్సూరెన్స్‌ ప్రీమియంను కట్‌ చేసుకుని మిగిలిన సొమ్ము ఇచ్చే పరిస్థితి. బ్యాంకులకు పోలేని రైతుకు, క్రాప్‌ లోను తీసుకోని రైతుకైతే ఇన్సూరెన్స్‌ కూడా అందని పరిస్థితిలో ఈ రాష్ట్రం ఉంటే.. ఈరోజు ఈ రాష్ట్రంలో ఒక ఆర్బీకే వ్యవస్థ, ఇ– క్రాప్‌ ద్వారా, ఉచిత పంటల బీమా ద్వారా ప్రతి రైతన్నకూ, ప్రతి ఎకరాకూ, ప్రతి పంటకూ కూడా ఇన్సూరెన్స్‌ అన్నది అందుతున్నది అంటే అది జరిగింది కూడా కేవలం మీ బిడ్డ అధికారంలోకి వచ్చిన తర్వాతే అని చెప్పడానికి గర్వపడుతున్నాను. రైతన్నలకు ఉచిత పంటల బీమా. ఇది మన మేనిఫెస్టోలో చెప్పలేదు. చెప్పకపోయినా కూడా ఈ కార్యక్రమం రైతుల బాగోగుల కోసంమీ బిడ్డ చేశాడు అని చెప్పడానికి గర్వపడుతున్నాను.

*ఆర్బీకేలు– రైతులకు ఆపన్న  హస్తం.*

మొట్ట మొదటి సారిగా ఆర్బీకేలు తీసుకొచ్చాం. దళారీలు లేని వ్యవస్థను తీసుకొచ్చాం. ఆర్బీకేల్లోనే ఎప్పుడూ కూడా కనీవినీ ఎరుగని విధంగా ఈరోజు పంట కొనుగోళ్లు జరుగుతున్నాయి. ధాన్యం సేకరణలో ఏకంగా రూ.64 వేల కోట్లు ధాన్యం సేకరణ ఆర్బీకేల ద్వారా చేయించడమే కాకుండా ప్రతి రైతన్నకూ ఎంఎస్పీ కచ్చితంగా రావడమే కాదు, ఎంఎస్పీకి మించి ప్రతి రైతన్నకూ ఎకరాకు కనీసం రూ.8 వేల నుంచి రూ.10 వేలు అదనంగా ఈరోజు రైతన్నకు ఇస్తున్నాం జీఎల్టీ కింద. గన్నీబ్యాక్స్‌ కింద, లాజిస్టిక్స్‌ కింద, ట్రాన్స్‌ పోర్ట్‌ ఖర్చుల కింద రైతన్నకు ఎకరాకు కనీసం రూ.8 వేల నుంచి రూ.10 వేలు ఎంఎస్పీకి కొనుగోలు చేయడం కన్నా అదనంగా ధాన్యంసేకరణలో ఈరోజు ఇస్తున్న ఏకైక ప్రభుత్వం, గతంలో ఎప్పుడూ చూడని విధంగా చేస్తున్న ప్రభుత్వం ఏదైనా ఉంది అంటే అదీ మీ బిడ్డ ప్రభుత్వం అని చెప్పడానికి గర్వపడుతున్నాను.

ఎంఎస్‌పీ లేని పంటలకు సైతం అక్షరాలా రూ.7,200 కోట్లతో ఆ ధరలు తగ్గిపోయినప్పుడు, ఆ రైతన్నను ఆదుకుంటూ అడుగులు వేసిన ప్రభుత్వం కూడా మీ బిడ్డ ప్రభుత్వమే అని చెప్పడానికి గర్వపడుతున్నాను. పంట నష్టం జరిగితే మొట్ట మొదటి సారిగా, ఎప్పుడూ జరగని విధంగా సీజన్‌ ముగిసేలోగానే పంట నష్టం పరిహారం అనేది అందుతోందంటే అది మొట్ట మొదటి సారిగా మీ బిడ్డ ప్రభుత్వం అధికారంలోకి వచ్చిన తర్వాతే అని చెప్పడానికి గర్వపడుతున్నాను. సున్నా వడ్డీకే పంట రుణాలు చంద్రబాబు నాయుడు ఎత్తేస్తే మీ బిడ్డ అధికారంలోకి వచ్చిన తర్వాత మళ్లీ సున్నా వడ్డీ పంట రుణాలు చంద్రబాబు కట్టని బకాయిలను సైతం మనం కట్టి మళ్లీసున్నా వడ్డీకే పంట రుణాలు ఇస్తున్న ప్రభుత్వం కూడా కేవలం మీ బిడ్డ ప్రభుత్వమే అని చెప్పడానికి గర్వపడుతున్నాను.

ఎప్పుడూ జరగని విధంగా, రాష్ట్ర చరిత్రలో ఎప్పుడూ చూడని విధంగా ఏకంగా 35 లక్షల ఎకరాల మీద శాశ్వత భూ హక్కులు కల్పించింది ఎవరు అంటే అదీ మీ బిడ్డ ప్రభుత్వ అని ఈ సందర్భంగా గర్వంగా చెబుతున్నాను.

*రైతుకు ఎవరు అవసరమో ఆలోచన చేయండి?*

మరి రైతు కోసం ఈ రాష్ట్రానికి ఎవరు అవసరం అని మీ అందరినీ అడుగుతున్నాను. రుణ మాఫీ అని మోసం చేసిన చంద్రబాబా? లేక వ్యవసాయానికి అండగా నిలబడిన మీ బిడ్డనా? కాబట్టి బాబు రైతుల విషయంలో వాళ్లు ఇచ్చేది బోగస్‌ రిపోర్ట్‌. మీ జగన్‌ ఇస్తున్నది ప్రోగ్రెస్‌ రిపోర్ట్‌. ఆలోచన చేయమని అడుగుతున్నాను. ఇంతకు ముందు ఎప్పుడూ జరగని విధంగా ఈరోజు రాష్ట్రంలో మార్పులు కనిపిస్తున్నాయి. గ్రామాల్లో ఎప్పుడూ చూడని విధంగా సచివాలయాలు కనిపిస్తున్నాయి.

*ప్రతి గ్రామంలో విప్లవం..*

మూడోది కూడా చెబుతున్నాను.. ఏకంగా ఈరోజు ప్రతి గ్రామంలో కూడా ఒక విప్లవం కనిపిస్తోంది. 15 వేలకు పైగా గ్రామ, వార్డు సచివాలయాలు కనిపిస్తున్నాయి. అదే గ్రామంలో నాడు నేడుతో బాగుడపడ్డ స్కూళ్లు, హాస్పిటళ్లు కనిపిస్తున్నాయి. మొత్తంగా ప్రతి గ్రామంలోనూ మరో 15 వేలకుపైగా విలేజ్, వార్డు క్లినిక్‌ లు కనిపిస్తున్నాయి. 11 వేలకుపైగా రైతు భరోసా కేంద్రాలు కనిపిస్తున్నాయి. ఇవన్నీ కూడా ఎప్పుడూ జరగని విధంగా ఈరోజు గ్రామీణ స్థాయిలో కనిపిస్తున్నాయి.

*మన ప్రభుత్వం అధికారంలోకి రాకమునుపు…* ఎప్పుడైనా ఎవరైనా అడిగితే, లంచాలు లేకుండా, వివక్ష లేకుండా పేదవాడికి మంచి చేయడం సాధ్యమేనా అని ఎవరైనా అడిగితే, మన ప్రభుత్వం రాకమునుపు లేదు. కానీ మీ బిడ్డ వచ్చిన తర్వాత ఈ 58 నెలల కాలంలో అవును. ఇది సాధ్యమే. లంచాలు లేకుండా, వివక్ష లేకుండా ప్రతి పేదవాడికీ, ప్రతి అక్కచెల్లెమ్మకూ తోడుగా ఉండగలుగుతాం అని రుజువు చేస్తూ మీ బిడ్డ అడుగులు వేశాడు. గ్రామ సచివాలయాలు స్థాపించాడు. వాలంటీర్ల వ్యవస్థ తెప్పించాడు. మొట్ట మొదటిసారిగా మీ బిడ్డ బటన్‌ నొక్కుతున్నాడు. ఏకంగా 130 సార్లు మీబిడ్డ బటన్‌ నొక్కాడు. నేరుగా నా అక్కచెల్లెమ్మల కుటుంబాల ఖాతాల్లోకి రూ.2.70 లక్షల కోట్లు నేరుగా మీ బిడ్డ పంపించాడు. ఎక్కడా లంచాలు లేవు. ఎక్కడా వివక్ష లేదు. నేరుగా మీ బిడ్డ బటన్‌ నొక్కడం, నేరుగా నా అక్కచెల్లెమ్మల కుటుంబాల ఖాతాల్లోకి రూ.2.70 లక్షల కోట్లు ఈ 58 నెలల కాలంలో జరిగింది. ఇదంతా కూడా మన కళ్ల ఎదుటే కనిపిస్తోంది. ప్రతి అక్కచెల్లెమ్మా వాళ్ల బ్యాంకు ఖాతాల్లోకి వెళ్లి చూసుకుంటే కనిపిస్తోంది. ప్రతి అవ్వాతాతా చిక్కటి చిరునవ్వుల మధ్య వాళ్ల చేతిలోనే కనిపిస్తోంది.

గతంలో ఏనాడైనా ఏ ప్రభుత్వంలో అయినా, ఆలోచన చేయమని అడుగుతున్నాను. మన రాష్ట్రంలో ఎప్పుడైనా మీరు చూశారా? ఒక అమ్మ ఒడి పథకాన్నీ మీరెప్పుడైనా చూశారా? రాష్ట్రంలో పూర్తి ఫీజులు కడుతూ విద్యాదీవెన, వసతి దీవెన ఇంతగా ఖర్చు చేస్తున్న ప్రభుత్వం ఏనాడైనా చూశారా? అని అడుగుతున్నాను. పిల్లల చదువులు, వారి భవిష్యత్తు, ఆ తల్లుల కష్టాల మీద ఇంతగా ధ్యాస పెట్టిన ప్రభుత్వాన్ని గతంలో ఏనాడైనా కూడా చూశారా? అని అడుగుతున్నాను.

*అక్కచెల్లెమ్మలను ఆదుకున్న ప్రభుత్వం…*

పొదుపు సంఘాల అక్కచెల్లెమ్మలకు ఒక ఆసరా ద్వారా ఇంతగా ఆదుకున్న ప్రభుత్వం.. ఆసరా ద్వారా అయితేనేమి, సున్నా వడ్డీ అయితేనేమి.. ఈ రెండు పథకాల ద్వారా ఇంతగా ఆదుకున్న ప్రభుత్వం గతంలో ఎప్పుడైనా మీరు చూశారా? అని అడుగుతున్నాను. అక్కచెల్లెమ్మలకు తోడుగా 45 నుంచి 60 సంవత్సరాల మధ్య వయసులో ఉన్న అక్కచెల్లెమ్మలకు అండగా, తోడుగా ఉంటూ వాళ్ల కాళ్ల మీద నిలబడేట్టు చేస్తూ వారి కోసం ఓ చేయూత, కాపు నేస్తం, ఈబీసీ నేస్తం వంటి పథకాలతో అండగా నిలిచిన ప్రభుత్వం ఇంతకు ముందు ఎప్పుడైనా చూశారా? అని అడుగుతున్నాను.

*దేశంలో మరే రాష్ట్రంలో లేని విధంగా..*.

దేశ చరిత్రలో మరే రాష్ట్రంలో అయినా కూడా.. మన రాష్ట్రంలో అయితే ఎప్పుడూ జరగని విధంగా ఈరోజు జరుగుతున్నాయి. ఒక బడి పిల్లల్నే చూడండి. వారి క్వాలిటీ చదువే వారి భవిష్యత్తును, వారి తలరాతలను మారుస్తుందని మీ ఇంట ఉన్న నా పిల్లల్ని గొప్పగా చదివించాలని నా అక్కచెల్లెమ్మలను తోడుగా ఉంటూ ఆ పిల్లలకు మేనమామగా వారి చదువుల్ని పట్టించుకున్న ముఖ్యమంత్రి.. ఎవరైనా ఈ రాష్ట్రంలో ఇంతకు ముందు ఈ రాష్ట్రంలో ఉన్నారంటే అది మీ బిడ్డ మాత్రమే అని చెప్పడానికి గర్వపడుతున్నాను.

*ప్రభుత్వ బడుల్లో సాంకేతిక విప్లవం…*

ఇంతగా ఆ పిల్లల గురించి, చదువుల గురించి పట్టించుకుని, తోడుగా ఉంటూ పిల్లలను బడులకు పంపిస్తే చాలు తల్లులను ప్రోత్సహిస్తూ అమ్మ ఒడి ఇస్తూ,  3వ తరగతి నుంచే ఆ పిల్లలకు సబ్జెక్ట్‌ టీచర్‌ తీసుకొస్తూ, టోఫెల్‌ తీసుకొస్తూ 6వ తరగతి నుంచే ఆ ప్రతి క్లాస్‌ రూములోనూ డిజిటల్‌ బోర్డులతో డిజిటల్‌ బోధన తీసుకొస్తూ, 8వ తరగతికి వచ్చే సరికే ఆ పిల్లల చేతుల్లో ట్యాబులు సైతం పెడుతూ, ఇంగ్లీషు మీడియంతో మొదలు సీబీఎస్‌ఈ, ఐబీ దాకా ప్రయాణం. బడుల రూపురేఖలు మారుస్తూ ఆ బడుల్లో నాడు నేడు, గోరుముద్ద, పిల్లలు స్కూలుకు మొదటి రోజు వచ్చే సరికే ఆ పిల్లల చేతుల్లో విద్యా కానుకతో ఆ పిల్లలకు ఒక మంచి మేనమామగా ఉంటూ ఆ పిల్లలను పట్టించుకున్న ముఖ్యమంత్రి గతంలో ఎప్పుడైనా చూశారా? అని అడుగుతున్నాను.

పెద్ద చదువులకు పిల్లలకు, తల్లులకు తోడుగా ఉంటూ, తల్లిదండ్రులు అప్పులపాలు కాకూడదు అని పూర్తి ఫీజు రీయింబర్స్‌ మెంట్‌ తో ఆ పిల్లల చదువుల కోసం విద్యా దీవెన, వసతి దీవెన ఒకవైపున ఇస్తూ అంతర్జాతీయ విశ్వవిద్యాలయాలతో ఒప్పందం ద్వారా డిగ్రీలోనే సర్టిఫైడ్‌ ఆన్‌ లైన్‌ వర్టికల్స్‌ ను, ఆ ప్రఖ్యాత యూనివర్సిటీ సర్టిఫికెట్స్‌ ను మన డిగ్రీలకు అనుసంధానం చేశాం. మొట్ట మొదటి సారిగా మ్యాండేటరీ ఇంటర్న్‌ షిప్‌ తీసుకొచ్చాం. ఇలా పిల్లల చదువులపై, క్వాలిటీ చదువులపై రేప్పొద్దున వాళ్లు గొప్పగా ఉద్యోగాలు చేయాలి అనే తలంపుతో ఇంతగా ఆ పిల్లల చదువులపై ధ్యాస పెట్టిన ప్రభుత్వం ఎప్పుడైనా, ఎక్కడైనా చూశారా? ఒక్కసారి మీ అందరూ గుండెల మీద చేయి వేసుకుని ఆలోచన చేయమని కోరుతున్నాను.

ఎందుకంటే ఈరోజు గ్రామానికి వెళ్తే మొట్ట మొదటిసారిగా గతంలో జరగని విధంగా, రాష్ట్రంలో ఎప్పుడూ చూడని విధంగా పౌర సేవల్లో గానీ, గ్రామాల్లో పరిపాలన వ్యవస్థను ఇంటింటికీ తీసుకువెళ్లడంలో గానీ, లంచాలు, వివక్ష లేని పాలన తేవడంలోగానీ, నా ఎస్సీలు, నా ఎస్టీలు, నా బీసీలు, నామైనార్టీ వర్గాల మీద ప్రేమ చూపిండచంలో గానీ, మొత్తంగా పేదరికం సంకెళ్లను తెంచే స్కీములను, అన్ని పేద వర్గాలకూ పారదర్శకంగా విస్తరించడం గానీ, ఇలా ప్రతిదీ కూడా లీడర్‌ అంటే ఇలా ఉండాలి అని రాష్ట్రంలో ఎప్పుడూ జరగని విధంగా దేశానికే చాటి చెప్పిన ప్రభుత్వం మీ బిడ్డ ప్రభుత్వం అని చెప్పడానికి గర్వపడుతున్నాను. నేను చెప్పిన ప్రతి విషయం ఆలోచన చేయమని అడుగుతున్నాను.

*మంచి చేశాం– ప్రజల గుండెల్లో గుడి కట్టుకున్నాం.*

మంచి చేశాం కాబట్టి ప్రజల గుండెల్లో గుడి కట్టుకుని ఈరోజు ప్రజల ప్రేమానురాగాలు పొందుతున్నాం. అదే చంద్రబాబు నాయుడు పేరు చెబితే 14 ఏళ్లు ముఖ్యంత్రిగా పరిపాలన చేశాడు. 3 సార్లు ముఖ్యమంత్రి అంటాడు. కానీ అదే మనిషి చంద్రబాబు పేరు చెబితే మీలో ఏ ఒక్కరికైనా ఆయన పేరు చెబితే గుర్తుకొచ్చే ఒక్కటంటే ఒక్క మంచైనా ఉందా? గుర్తుకొచ్చే ఒక్కటంటే ఒక్క స్కీమైనా ఉందా? అని అడుగుతున్నాను.  ఈ పెద్ద మనిషి చంద్రబాబు ప్రజలకు చేసిన మంచి ఏదీ లేదు.

*జగన్‌ పాలన బాగుందని ఒప్పుకున్న బాబు…*

చంద్రబాబు పరిస్థితి ఏమిటంటే.. ఏ మంచీ పేదలకు ఎప్పుడూ చేయని ఈ బాబు.. ఎప్పుడూ మోసాలు చేసే ఈ బాబు.. ఈ మధ్య కాలంలో నిన్ననే అనుకుంటా.. కొత్తగా ఒక మాట మాట్లాడాడు. నిజంగా ఆయన మాట్లాడిన మాటలు చూసినప్పుడు నాకు నిజంగా నవ్వాలో, ఏం చేయాలో అర్థం కాలేదు. ఆ మనిషి నోట్లో నుంచి ఆ మాటలు వింటున్నప్పుడు. ఇదే బాబు నిన్ననో మొన్ననో అన్నాడు. మనం పెట్టిన వాలంటీర్ల వ్యవస్థ అంటే మీ అందరికీ గుర్తుందా.. వాలంటీర్లకు రూ.10 వేలిస్తాడట. చంద్రబాబు అన్నాడు. పోనీ ఇట్లన్నా కనీసం జగన్‌ పాలన బ్రహ్మాండంగా ఉందని ఒప్పుకోనన్నా ఒప్పుకున్నాడు. అక్కడికైనా సంతోషం. జగన్‌ పాలన చంద్రబాబు నాయుడు గుండెల్లో రైళ్లు పరిగెత్తిస్తోంది. దాన్నన్నా ఒప్పుకున్నాడు సంతోషం.

*వాలంటీర్లపై బాబు కూటమికి ద్వేషం…*

ఇదే చంద్రబాబు.. మొన్నటి దాకా మన వాలంటీర్ల వ్యవస్థ గురించి ఏమన్నాడు. ఇదే చంద్రబాబు, ఇదే ఆయన కూటమి.. మన వాలంటీర్ల వ్యవస్థను మొన్నటి దాకా ఏమన్నారు. వాలంటీర్ల వ్యవస్థ అంటే భయంకరమైన ద్వేషం చంద్రబాబు నాయుడుకు ఉంది. వాళ్ల గురించి ఏమన్నాడు మొన్నటి దాకా? మూటలు మోసే వాళ్లు అన్నాడు. వారి కథ తేలుస్తా అన్నాడు. వారిని వదిలిపెట్టే ప్రస్తే లేదన్నాడు. వారు మగవాళ్లు ఇంట్లో లేనప్పుడు తలుపులు కొడతారు అని కూడా అన్నాడు. ఇక ఆయన దత్తపుత్రుడు ఇంకో నాలుగు అడుగులు ముందుకేశాడు. ఆయన దత్తపుత్రుడైతే వాలంటీర్లు ట్రాఫికింగ్‌ చేయిస్తున్నారు అని అన్నాడు. అందువల్లే అమ్మాయిలు మిస్‌ అయిపోతున్నారు, మాయమైపోతున్నారు అని కూడా అన్నాడు. వాలంటీర్లు వైయస్సార్‌ కాంగ్రెస్‌ పార్టీ ప్రయివేట్‌ సైన్యం అన్నాడు. వాలంటీర్లు జగన్‌ కు అధికార పెగసస్‌ అని కూడా ట్వీట్‌ చేశాడు దత్తపుత్రుడు.

ఇంతకన్నా నా ప్రభుత్వానికి ఇంకేం సర్టిఫికేట్‌ కావాలి.

మరి అడుగుతున్నాను. మొన్నటి దాకా ఈ మాటలన్నీ అన్న మీరు.. నిన్న వాలంటీర్లకు మేం రూ.10 వేలిస్తాం అని మీ నోట్లో నుంచి మాటలు వచ్చాయి అంటే.. ఇంతకన్నా సర్టిఫికెట్‌ నాకేం కావాలి? నా ప్రభుత్వానికి? జగన్‌ గొప్ప పాలన చేశాడు అని చెప్పి సర్టిఫికెట్‌ ఇచ్చావు. ఇంతకన్నా గొప్ప సర్టిఫికెట్‌ ఏం కావాలి అని అడుగుతున్నాను. చంద్రబాబు నాయుడు గారికి చెబుతున్నా. అయ్యా చంద్రబాబూ.. నీ హయాంలో నువ్వూ జన్మభూమి కమిటీలు పెట్టుకున్నావయ్యా.. నువ్వు పెట్టుకున్న జన్మభూమి కమిటీల వల్ల ప్రజలు ఇబ్బంది పడ్డారు. వాళ్లు మీరు ఇద్దరూ కలిసి మరుగుదొడ్లకూ లంచాలు తీసుకున్నారు. రేషన్‌ కు, పెన్షన్‌ కు లంచాలు తీసుకున్నారు. రాష్ట్రాన్ని దోచేశారు. కానీ మీ జగన్‌ తన అభిమానులతో తాను తెచ్చుకున్న వాలంటీర్‌ వ్యవస్థ ఏకంగా లంచాలు లేకుండా, వివక్ష లేకుండా మీ బిడ్డ బటన్‌ నొక్కుతున్నాడు. నేరుగా రూ.2.70 లక్షల కోట్లు నా అక్కచెల్లెమ్మల కుటుంబాల ఖాతాలత్లోకి మీ బిడ్డ పంపించాడు.

ఈ చంద్రబాబు కు చెబుతున్నా.. అయ్యా చంద్రబాబూ.. అక్కడ జన్మభూమి కమిటీలది, వాలంటీర్లది టాపిక్‌ కాదు. అక్కడ ముఖ్యమంత్రిగా ఎవరు ఉన్నారు అన్నది టాపిక్‌ అన్నది గుర్తుపెట్టుకో చంద్రబాబూ అని అడుగుతున్నాను. చంద్రబాబు నాయుడు మనస్తత్వం.. రాష్ట్రాన్ని దోచుకోవడం, దోచుకున్నది పంచుకోవడం. మీ బిడ్డ మనస్తత్వం చనిపోయిన తర్వాత కూడా ప్రతి పేదవాడి గుండెల్లో బతికే ఉండాలి అన్నది మీ బిడ్డ మనస్తత్వం. ఇదీ.. నీకు నాకు ఉన్న తేడా. చివరికి చంద్రబాబు నాయుడు గారు చేస్తున్న మోసాలు ఏ స్థాయిలో ఉన్నాయంటే.. ఇదే మనిషి చంద్రబాబు నాయుడు గారు మొన్నటికి మొన్న నిమ్మగడ్డ రమేష్‌ అనే తన మనిషితో తానే ఎలక్షన్‌ కమిషన్‌ కు కంప్లయింట్‌ చేపించి, అవ్వాతాతలకు ఇంటి వద్దే అందాల్సిన పెన్షన్‌ ఆపించి, ఆ అవ్వాతాతలు ఇబ్బందులు పడేట్టుగా చేసి, చివరికి అనేక మంది అవ్వాతాతలు మరణానికి కూడా కారణమైన ఈ చంద్రబాబు.. ఈరోజు ఒక్కసారిగా గాలి ఎదురు తిరిగే సరికే చంద్రబాబులో ఉన్న మోసం మళ్లీ చంద్రముఖిలా పైకి లేచింది.

*ఊసరవెల్లిని మించిన రంగులు మార్చే బాబు..*.

ఊసరవెల్లి ఎన్నిసార్లు మారుస్తుందో రంగు నాకు తెలియదు గానీ, చంద్రబాబు నాయుడు మాత్రం ఊసరవెల్లిని దాటిపోయాడు. తాను ఇప్పుడు అంటాడు అధికారంలోకి వస్తే వాలంటీర్లకు రూ.10 వేలు ఇస్తానని ప్రకటించాడు. చెబుతున్నా ఇదే చంద్రబాబూ.. అయ్యా నీ మోసాలు అందరికీ తెలిసినవే. మొట్ట మొదటిగా ఈ వాలంటీర్లను పీకేస్తావు. మళ్లీ నీ జన్మభూమి కమిటీ సభ్యులందర్నీ వాలంటీర్లుగా తెచ్చుకుంటావు. వాళ్లు దోచుకునే దాని కోసం ఈ రూ.10 వేలు అదనంగా వాళ్లకు ఇస్తావు. ఇదీ నువ్వు చేయబోయే మోసపూరిత రాజకీయం అన్నది చిన్న పిల్లాడిని అడిగినా కూడా అందరికీ తెలుసు అని ఇదే పెద్ద మనిషి చంద్రబాబు గురించి చెబుతూ.. ఇదే చంద్రబాబు బతుకంతా కూడా అబద్ధాలే పునాదులుగా, మోసాలే అలవాటుగా, వెన్నుపోట్లే తన చరిత్రగా సినిమాల్లో విలన్‌ క్యారెక్టర్‌ చూస్తే అది చంద్రబాబు క్యారెక్టర్‌ కిందనే.. చంద్రబాబు చేసిన పనులవల్ల గుర్తుకొస్తుంది.

*ప్లాష్‌ బ్యాక్‌లోకి పోతే…*

ఒక్కసారి మీ అందరికీ గుర్తుందా? ఇదే పెద్ద మనిషి చంద్రబాబు 2014లో ఫ్లాష్‌ బ్యాక్‌ లోకి పోదాం. చంద్రబాబు ఎలాంటి మోసాలు చేస్తాడనే దాని కోసం  2014 ఫ్లాష్‌ బ్యాక్‌ లోకి పోదామా? రెడీయా? 2014లో చంద్రబాబు ఇదే 3 పార్టీలతో కూటమి. ఆ మూడు పార్టీలు ఎవరు గుర్తుందా? ఇదే చంద్రబాబు, ఇదే మోడీ గారు, ఇదే దత్తపుత్రుడు. 2014లో ఇదే ముగ్గురు కలిసి ఎన్నికల వేళ ముఖ్యమైన హామీలు అంటూ ఇంటింటికీ ఈ పాంప్లెట్‌ పంపించాడు.

ప్రతి ఇంటికీ పంపిస్తే ప్రజలు నమ్మరు అని ప్రజలు మర్చిపోతారేమో అని టీవీల్లో అడ్వర్టైజ్‌మెంట్లు హోరెత్తించారు. ఆ ఈనాడులోనూ, ఆంధ్రజ్యోతిలోనూ, టీవీ5 లోనూ టీవీ ఆన్‌ చేస్తే చాలు చంద్రబాబు నాయుడు గారు అడ్వర్టైజ్‌మెంట్లు హోరెత్తించాడు. ఈ పాంప్లెట్లలో ఆయన ఏం రాశాడో చెబుదామా?

*చంద్రబాబు విఫల హామీలు చూస్తే…*

రైతుల రుణ మాఫీపై మొదటి సంతకం చేస్తానన్నాడు. చేశాడా? రూ.87612 కోట్లు మాఫీ అయ్యిందా? ఆయన చెప్పిన రెండో ముఖ్యమైన హామీ.. పొదుపు సంఘాల రుణాలన్నీ పూర్తిగా మాఫీ చేస్తామన్నాడు. రూ.14205 పొదుపు సంఘాల రుణాల్లో కనీసం ఒక్క రూపాయి అయినా మాఫీ చేశాడా? అని అడుగుతున్నాను. మూడో ముఖ్యమైన హామీ.. ఆడబిడ్డ పుట్టిన వెంటనే మహాలక్ష్మి పథకం కింద రూ.25 వేలు బ్యాంకు అకౌంట్లో డిపాజిట్‌ చేస్తామన్నాడు. 2014లో మీ ఇళ్లలో ఆడబిడ్డలు పుట్టి ఉంటారు కదా.. లేకపోతే మీ పక్క ఇళ్లలో పుట్టారు కదా.. ఏ ఒక్కరికైనా రూ.25 వేలు కథ దేవుడెరుగు.. ఒక్క రూపాయి అయినా వేశాడా?

ఇంకా ముందుకు పోదామా.. ఇంటింటికీ ఒక ఉద్యోగం, ఉద్యోగం ఇవ్వలేకపోతే నెలకు రూ.2 వేలు. 60 నెలల్లో రూ.2 వేల చొప్పున రూ.1.20 లక్షలు ఇచ్చాడా నిరుద్యోగభృతి అని అడుగుతున్నాను. ఇంకా ముందుకు పోదామా.. అర్హులైన వారందరికీ 3 సెంట్ల ఇంటి స్థలం, కట్టుకునేందుకు పక్కా ఇళ్లు. 3 సెంట్ల కథ దేవుడెరుగు.. ఏ ఒక్కరికైనా కనీసం ఒక్క సెంటైనా ఇచ్చాడా? అని అడుగుతున్నాను. ఇంకా ముందుకు పోతే రూ.10 వేల కోట్లతో బీసీ సబ్‌ ప్లాన్‌ అట, చేనేత, పవర్‌ లూమ్స్‌ రుణాల మాఫీ అట.. అయ్యాయా? ఉమెన్‌ ప్రొటెక్షన్‌ ఫోర్స్‌ ఏర్పాటు చేస్తామన్నాడు చేశాడా? సింగపూర్‌ కు మించి అభివృద్ధి చేస్తామన్నాడు. చేశాడా? ప్రతి నగరంలోనూ హైటెక్‌ సిటీ నిర్మిస్తామన్నాడు నిర్మించాడా? మన పిడుగురాళ్లలో కనిపిస్తోందా? పోనీ మన గురజాలలో అన్నా కనిపిస్తోందా? మరి నేను అడుగుతున్నాను. మిమ్మల్నే అడుగుతున్నా. ఇదే ముగ్గురు, వాళ్ల ఫొటోలు పెట్టి 2014లో మేనిఫెస్టోలో ఇచ్చి.. ముఖ్యమైన హామీలు అంటూ ప్రత్యేకంగా పాంప్లెట్‌ కొట్టించి అందులో చంద్రబాబు నాయుడు గారు సంతకం పెట్టించి ప్రతి ఇంటికీ పంపించిన ఇన్ని ముఖ్యమైన హామీల్లో ఇందులో కనీసం ఒక్కటంటే ఒక్కటైనా చేశాడా? అని అడుగుతున్నా? ప్రత్యేక హోదా ఇచ్చాడా? అని అడుగుతున్నాను.

*మోసగాళ్లకు వ్యతిరేకంగా సెల్‌లో టార్చ్‌ వేసి సిద్దం అనండి.*

వీళ్లు ఇప్పుడు ఇవాళ ఏమంటున్నారు. సూపర్‌ సిక్స్‌ అంటున్నారు. సూపర్‌ సెవెన్‌ అంటున్నారు. అవ్వలకు పెన్షన్‌ రూ.4 వేలట, ఇంటింటికీ బెంజ్‌ కారట, ఇంటింటికీ కేజీ బంగారమట. నమ్ముతారా? మరి ఇలాంటి మోసగాళ్లను, ఇలాంటి అబద్ధాల నుంచి మన రాష్ట్రాన్ని, మన పేదల భవిష్యత్తును కాపాడుకునేందుకు మీరంతా సిద్ధమేనా? సిద్ధమే అయితే మీ జేబులోంచి సెల్‌ ఫోన్‌ బయటకు తీయండి. టార్చ్‌ లైట్‌ బటన్‌ ఆన్‌ చేయండి. ఇలాంటి మోసగాళ్లకు వ్యతిరేకంగా, పేదలకు అండగా, మద్దతుగా, పేదల భవిష్యత్‌ కోసం మేమంతా సిద్ధమే అని గట్టిగా చెప్పండి. ఈ సారి ఎన్నికల్లో 175కు 175 అసెంబ్లీ స్థానాలు, 25కు 25 ఎంపీ స్థానాలు ఒక్కటి కూడా తగ్గేందుకు లేదు. మీరంతా సిద్ధమేనా?

*మన అభ్యర్ధులను ఆశీర్వదించండి..*

మన పార్లమెంటు నియోజకవర్గానికి సంబంధించి మీకు మన అభ్యర్థులను పరిచయం చేస్తున్నాను. మీ చల్లని దీవెనలు, ఆశీస్సులు మన పార్టీకి సంబంధించిన అభ్యర్థులపై ఉంచవలసిందిగా ప్రార్థిస్తూ.. మొట్ట మొదటిసారిగా అనిల్‌ ను పరిచయం చేస్తున్నాను.

మన పార్టీ అభ్యర్థిగా పల్నాడు జిల్లా నుంచి ఎంపీ అభ్యర్థిగా నా తమ్ముడు నిలబడుతున్నాడు. అనిల్‌ కుమార్‌ యాదవ్‌ నిలబడుతున్నాడు. మీలో ఒకడు. బలహీనవర్గాల నుంచి వచ్చిన వాడు, మిమ్మల్ని గుండెల్లో పెట్టుకుని చూసుకుంటాడు. మంచివాడు, యువకుడు, ఉత్సాహవంతుడు, మీ అందరి చల్లని దీవెనలు అనిల్‌ పై ఉంచవలసిందిగా సవినయంగా ప్రార్థిస్తున్నాను.

గురజాల నుంచి మహేష్‌ నిలబడుతున్నాడు. మీ అందరికీ పరిచయస్తుడే, యవకుడు, ఉత్సాహవంతుడు, అన్నింటికీ మించి నాకు మంచి తమ్ముడు కూడా. మీ అందరి చల్లని దీవెనలు మహేష్‌ పై ఉంచవలసిందిగా సవినయంగా ప్రార్థిస్తున్నాను.

మాచర్ల నుంచి రామకృష్ణారెడ్డి నిలబడుతున్నాడు. సౌమ్యుడు, నా స్నేహితుడు, మీ అందరికీ మంచి చేసే విషయంలో ఎప్పుడూ కూడా ముందే ఉంటాడు. వెనకల ఉండడు. మీ చల్లని దీవెనలు, ఆశీస్సులు రామకృష్ణారెడ్డిపై ఉంచవలసిందిగా సవినయంగా ప్రార్థిస్తున్నాను.

చిలకలూరిపేట నుంచి మనోహర్‌ నిలబడుతున్నాడు. మంచివాడు, యువకుడు, ఉత్సాహవంతుడు, నాకు తమ్ముడు. మీ అందరి చల్లని దీవెనలు, ఆశీస్సులు మనోహర్‌ పై ఉంచవలసిందిగా సవినయంగా ప్రార్థిస్తున్నాను.

పెదకూరపాడు నుంచి శంకర్‌ రావు అన్న నిలబడుతున్నాడు. నిజంగా మంచితనంలో ఎవరికైనా మంచి మార్కులు వేయాలి అంటే శంకర్‌ రావు అన్నకే వేయాలని కచ్చితంగా నేను చెబుతాను. మంచి వాడు, పేదలకు మంచి చేసే విషయంలో ఎప్పుడూ కూడా వెనకడుగు వేసే మనస్తత్వం కాదు. అన్నకు మీ సంపూర్ణ మద్దతు తెలపవలసిందిగా సవినయంగా ప్రార్థిస్తున్నాను.

సత్తెనపల్లి నుంచి రాంబాబు అన్న నిలబడుతున్నాడు. నిజంగా సిద్ధం అని మొట్ట మొదట చేయి లేపింది ఎవరైనా ఉన్నారంటే రాంబాబు అన్న దగ్గర నుంచే మొట్ట మొదటి చేయిపైకి లేచింది. నిజంగా అంతటి మంచివాడు, అంతటి మంచి గుణాలున్న వ్యక్తి కూడా. అప్పుడప్పుడు నోట్లో నుంచి కొంచం దురుసుగా మాటలు కొద్దిగా అనిపిస్తాయిగానీ, మనసు మాత్రం వెన్న అని కచ్చితంగా చెబుతా నేను. అన్నకు మీ సంపూర్ణ మద్దతు తెలపవలసిందిగా సవినయంగా ప్రార్థిస్తున్నాను.

నరసరావుపేట నుంచి శీనన్న నిలబడుతున్నాడు. డాక్టర్‌ గా మీ అందరికీ కూడా పరిచయస్తుడే, మంచివాడు, సౌమ్యుడు. శీనన్నకు మీ చల్లని దీవెనలు, ఆశీస్సులు ఎల్లప్పుడూ ఉంచవలసిందిగా సవినయంగా ప్రార్థిస్తున్నాను. వినుకొండ నుంచి బ్రహ్మనాయుడు అన్న నిలబడుతున్నాడు. నిజంగా మనిషిలో కల్మషం లేనివాడు. ఎవరైనా వస్తే మాత్రం ఎప్పుడూ కూడా సహాయం చేయడంలో ముందు ఉంటాడు. మంచి వాడు, సౌమ్యుడు మీ అందరి చల్లని దీవెనలు, ఆశీస్సులు అన్నపై ఉంచవలసిందిగా సవినయంగా ప్రార్థిస్తున్నాను.

*మన గర్తు ఫ్యాను పైనే ఓటేసి గెలిపించండి.*

మన గుర్తు.. అక్కడో ఇక్కడో ఎక్కడో ఎవరైనా పొరపాటున మర్చిపోయి ఉన్నా, తెలియకపోయి ఉన్నా మన గుర్తు ఫ్యాను. అక్కడ ఉన్న అవ్వలు, అక్కలు, మన గుర్తు ఫ్యాన్‌ అమ్మా. మన గుర్తు ఫ్యాను. పేదల భవిష్యత్తు కోసం ఫ్యాను ఎప్పుడూ కూడామన ఇంట్లోనే ఉండాలి. సైకిల్‌ ఎప్పుడూ బయటే ఉండాలి. తాగేసిన టీ గ్లాస్‌ఎప్పుడూ సింక్‌ లోనే ఉండాలి. మన బతుకులు బాగుపడాలి అంటే ఫ్యాను మీద రెండు ఓట్లు కచ్చితంగా రెండు ఓట్లు కచ్చితంగా వేయాలి. కచ్చితంగా గుర్తుపెట్టుకోమని సవినయంగా ప్రార్థిస్తూ, మీ చల్లని దీవెనలకు, ఆశీస్సులకు మీ బిడ్డ రెండు చేతులూ జోడించి పేరు పేరునా హృదయపూర్వకంగా కృతజ్ఞతలు తెలుపుకుంటున్నాడు. కాస్త చీకటి పడింది. కాబట్టి దయచేసి 7 అవుతోంది. కాబట్టి ఎవరూ కూడా మరోలా మరోలా అనుకోవద్దండి. ముందే అయిపోయి ఉంటే 6.30 గంటల లోపే అయిపోయి ఉంటే కచ్చితంగా అంత దాకా వచ్చి ఉందు. 7 గంటలు అయిపోయింది కాబట్టి సెక్యూరిటీ వాళ్లు వద్దంటున్నారు. కాబట్టి ఏ ఒక్కరూ కూడా మరోలా మరోలా అనుకోవద్దని సవినయంగా కోరుతూ సెలవు తీసుకుంటున్నాను. అని సీఎం శ్రీ వైయస్‌ జగన్‌ తన ప్రసంగాన్ని ముగించారు.