తాడేపల్లి – వైఎస్ఆర్సీపీ కేంద్ర కార్యాలయం.
చంద్రబాబు పెంపుడు ప్యాకేజీ కుక్క స్థాయి పవన్కళ్యాణ్ది..
– ప్యాకేజీ విశ్వాసంతోనే దత్తపుత్రుడి అరుపులు
-ః ఇది ప్రజల మాట అని చెప్పిన మంత్రి శ్రీ జోగి రమేశ్
రాష్ట్ర గృహనిర్మాణ శాఖ మంత్రి శ్రీ జోగి రమేశ్ ప్రెస్మీట్ః
ఒక్కడిగా అడుగేసి..‘జయహో జగనన్న’గా ఎదిగిన ప్రజా నేత జగన్ గారు..
– నేడు దేశానికే ఆదర్శ సీఎంగా జగన్గారి స్థాయి..
– సామాజిక న్యాయసారథిగా పేదల గుండెల్లో చోటు
-ః మంత్రి శ్రీ జోగి రమేశ్ వెల్లడి
– తల్లిని అవమానించోళ్లతో దోస్తీ చేసే స్థాయి పవన్ ది
– జనసేన విలీనానికి హోల్సేల్ బేరమే టీడీపీతో పొత్తు
– నిన్ను నమ్మిన అభిమానులంతా ఇక జెండాకూలీలే..
– ఈ పిచ్చోడి మాటలు నమ్మేదే లేదంటున్న జనసేన క్యాడర్
ః తేల్చిచెప్పిన మంత్రి శ్రీ జోగి రమేశ్
తాడేపల్లి వైఎస్ఆర్సీపీ కేంద్ర కార్యాలయంలో రాష్ట్ర గృహనిర్మాణ శాఖ మంత్రి శ్రీ జోగి రమేశ్ మీడియాతో మాట్లాడుతూ.. ఇంకా ఏమన్నారంటేః
ఇదీ నీ బతుకు పవన్కళ్యాణ్ః
జనసేన పేరుతో రాజకీయ పార్టీ నాయకుడిగా చెలామణయ్యే పవన్కళ్యాణ్ బతుకేంటి..? ఆయన స్థాయేంటి..? నిజ జీవితంలో ఆయనకు ఇప్పటికే మూడు పెళ్ళిళ్ళు జరిగాయి. వాటిని పక్కనబెడితే అవినీతి కేసులో దొంగలా ఆధారాలతో దొరికి జైలుపాలైన నారా చంద్రబాబు నాయుడుతో ములాఖత్కు వెళ్లి మిలాఖత్ అయ్యాక పవన్కళ్యాణ్ మరో లగ్నం కుదుర్చుకున్నాడు. మరి, పార్టీ కేడర్తో చర్చించకుండానే లగ్నం నిర్ణయం తీసుకుంటారనుకుని నిన్న జనసేన పార్టీ విస్తృతస్థాయి సమావేశమని తాడూబొంగరం లేనోళ్లను పక్కనబెట్టుకుని పిచ్చోడిలా మాట్టాడాడు. గౌరవ ముఖ్యమంత్రి శ్రీ వైయస్ జగన్మోహన్రెడ్డిని ఉద్దేశించి స్థాయి గురించి నోరుపారేసుకున్నాడు. అందుకే, నేను ఈరోజు నీ స్థాయేంటని పవన్కళ్యాణ్ను ప్రశ్నిస్తున్నాను. రాష్ట్రంలో 5 కోట్లమంది తెలుగు ప్రజలను అడిగితే మనసున్న ముఖ్యమంత్రిగా జగన్గారి స్థాయి ఏమిటో చెబుతారు. ఒక ధీరుడు, ధీశాలి, ధైర్యవంతుడు, గొప్ప పాలకుడుగా.. గౌరవ ముఖ్యమంత్రిని ఎవరైనా గొప్పగా చెబుతారు.
– మరి, నీ గురించి ప్రజల్లో ఉన్న అభిప్రాయేంటో చెబుతావా పవన్కళ్యాణ్..? నిన్ను చంద్రబాబు పెంపుడు ప్యాకేజీ కుక్క గా ప్రజలనుకుంటున్నారు. ఇది యథార్థం.
ఒక్కడిగా మొదలై.. జయహో జగనన్న స్థాయి వరకు…
జగన్ గారి గురించి మాట్లాడే స్థాయి కాదు నీది. ఆనాడు ఢిల్లీలో మహాశక్తిగా ఉన్న సోనియాగాంధీని ఎదిరించి సొంతంగా వైఎస్ఆర్ కాంగ్రెస్ పార్టీని వ్యవస్థాపించి ఒంటిచేత్తో పార్టీని నడిపించి ఈనాటి రాజకీయాల్లో అజేయమైన శక్తిగా ఎదిగిన దమ్మున్నోడు మా జగన్ గారు. 2011లో సొంతంగా పార్టీని పెట్టి కడప పార్లమెంట్ స్థానానికి పోటీచేస్తే భారతదేశం మొత్తం అటువైపు చూశారు. దేశచరిత్రలోనే 5 లక్షల పైచిలుకు మెజార్టీతో గెలిచి ఒక మైలురాయిగా నిలిచారు మా జగన్గారు. చరిత్రపుటల్లో లిఖించిన ఈ నిజాన్ని పవన్కళ్యాణ్ అనే పిచ్చోడు తిరగేసి చూసుకోవచ్చు. ఒక్కడిగా మొదలై ప్రతిపక్ష నాయకుడిగా 67 మంది ఎమ్మెల్యేలని తన పార్టీ నుంచి గెలిపించుకున్నాడు. మరలా చరిత్రను తిరగరాస్తూ రాష్ట్రంలోని 175 స్థానాలకు 151 శాసనసభ స్థానాల్ని, 25 పార్లమెంట్ స్థానాలకు 22 స్థానాల్ని గెలుచుకుని ఏపీలో అధికారపీఠాన్ని కైవశం చేసుకున్న యంగ్ అండ్ డైనమిక్ లీడర్ జగన్గారు. జనమంతా జయహో జగన్ అన్నారు. జగనన్న అంటే ఇలా ఉండాలి. రాజకీయాల్లో జగనన్నను చూసి ఎవరైనా నేర్చుకోవాలని ప్రజలన్నారు. దేశంమొత్తం తనవైపు చూసే స్థాయి మా జగన్ గారిది.
ప్యాకేజీస్టార్ నీ స్థాయిః
మరి, నీ స్థాయేంటో ఒకసారి ప్రజలకు వివరిస్తావా పవన్కళ్యాణ్..? నీ అన్న చిరంజీవి గారు ప్రజారాజ్యం పార్టీ పెడితే నువ్వేమో యువరాజ్యం అధ్యక్షుడినన్నావు. అప్పట్లో ఏం చేశావు..? పార్టీని మడతపెట్టి కాంగ్రెస్లో కలిపేశారు. 2014లో జనసేన అనే పార్టీ పెట్టావు. మరి, అప్పటి ఎన్నికల్లో నీ పార్టీ తరఫున ఒక్క సీట్లోనైనా పోటీచేయకుండా.. అరగేంట్రంలోనే పార్టీ మొత్తాన్ని చంద్రబాబుకు హోల్సేల్గా అమ్ముకున్న పాలేరుగాడివి నువ్వు. ఇది నిజం కాదా..? ఆ తర్వాత 2019 ఎన్నికల్లో అప్పటి ప్రభుత్వ వ్యతిరేక ఓటు చీలకుండా కూడగట్టాలని కమ్యూనిస్టులతో పొత్తుపెట్టి పోటీచేశావు. నువ్వు పోటీచేసిన రెండు చోట్లా ఓడిపోయావు. చంద్రబాబు మోచేతి నీళ్లు తాగుతూ.. ప్యాకేజీస్టార్గా పిలిపించుకుంటున్న నువ్వు ఈరోజు మా జగన్ గారి గురించి మాట్లాడతావా..? అసలు, ఆయన పేరెత్తే అర్హత ఉందా నీకు..? చంద్రబాబు దత్తపుత్రుడనే గుర్తింపును నువ్వెన్నటికీ చెరిపేసుకోలేవని పవన్కళ్యాణ్కు గుర్తుచేస్తున్నాను.
సామాజికన్యాయ సారథి జగన్గారుః
ఈ రాష్ట్రంలో సంక్షేమం, అభివృద్ధి అంటే ఏంటనేది దేశం మొత్తానికి చాటిచెబుతున్న ముఖ్యమంత్రి శ్రీ వైయస్ జగన్మోహన్రెడ్డి. సామాజిక న్యాయ సారథిగా అరుదైన గుర్తింపును తెచ్చుకున్న మహోన్నతుడు ఆయన. 77 ఏళ్ల స్వాతంత్య్ర భారత చరిత్రలో కులం, మతం, ప్రాంతం, రాజకీయపార్టీలు చూడకుండా ఎస్సీ, ఎస్టీ, బీసీ, మైనార్టీలతో పాటు అగ్రవర్ణ పేదల్ని అక్కునజేర్చుకుని సామాజిక ధర్మాన్ని పాటించే ఏకైక ముఖ్యమంత్రిగా జగన్గారిని మిగతా రాష్ట్రాల ముఖ్యమంత్రులు సైతం ఆదర్శంగా తీసుకుంటున్నారు. జనాభాదామాషా ప్రకారం అన్ని సామాజిక వర్గాలకు ప్రాధాన్యం కల్పిస్తూ మహిళలకూ అన్ని రంగాల్లో ముందంజగా ఉండే కార్యక్రమాల రూపకల్పనతో సాధికారత కృషీవలుడు జగన్గారు. అమ్మ ఒడి, ఆసరా, చేయూత, చేదోడు, విద్యాదీవెన, వసతిదీవెన వంటి సంక్షేమపథకాలు, రాష్ట్రంలో 31 లక్షల మంది అక్కచెల్లెమ్మలకు ఉచిత ఇళ్లస్థలాలు తదితర పథకాలతో కేవలం నాలుగేళ్ల కాలంలోనే రూ.2.35 లక్షల కోట్లు డీబీటీ ద్వారా బటన్ నొక్కి అక్కచెల్లెమ్మల ఖాతాల్లో లబ్ధిని జమ చేసిన జగన్గారిలాంటి ముఖ్యమంత్రి దేశంలో ఏ రాష్ట్రంలోనైనా ఉన్నారా..? అని జల్లెడపట్టి వెదికినా కనిపించరని పవన్కళ్యాణ్ తెలుసుకోవాలి.
తల్లిని అవమానించినోళ్లతో ఆలింగనమా..?ః
2014 ఎన్నికల్లో పవన్కళ్యాణ్ను అవసరానికి వాడుకుని చంద్రబాబు, లోకేశ్లు తన్ని తరిమేస్తే.. 2019 ఎన్నికల్లో వాళ్లను కాదంటూ పోటీచేశాడు. మరి, అప్పట్లో ఇదే పవన్కళ్యాణ్ ఏమన్నాడు..? చంద్రబాబు, లోకేశ్ పెద్ద అవినీతిపరులు.. ప్రజాధనాన్ని లూఠీ చేస్తున్న బడాచోర్లు అని అన్నాడు కదా..? తన తల్లిని సైతం అవమానించారని లోకేశ్కు వార్నింగ్లిచ్చిన వ్యక్తి ఇదే పవన్కళ్యాణ్ కాదా..? అని నేను ప్రశ్నిస్తున్నాను. చంద్రబాబు, లోకేశ్లు కలిసి అప్పట్లో నిన్ను ఏమన్నారు..? నీ స్థాయేంటి..? నీ బతుకేంటి.? రాజకీయాల్లో నువ్వొక పిచ్చోడివి… అనే రకరకాల పేర్లుతో పిలిచి నిన్ను విమర్శించిన సంగతి మరిచిపోయావా..? ఇంత జరిగినా.. ఈరోజుకు మళ్లీ నువ్వు చంద్రబాబు చంకనెక్కి నేను దత్తపుత్రుడ్నే.. నీకూ,నాకూ విడదీయలేని బంధముందంటూ ఆలింగనం చేసుకుని.. ప్యాకేజీకి రెడీ అయ్యావు. నీ పార్టీకి ఎటూ ఒక సిద్ధాంతం లేదు. లక్ష్యం లేదు. కనీసం, ఒక తల్లికి పుట్టిన బిడ్డగా నీకైనా సిగ్గూశరం ఉండాలికదా పవన్కళ్యాణ్..? ప్యాకేజీ డబ్బుల కోసం మరీ ఇంతగా దిగజారిపోవాల్నా..? అని అడుగుతున్నాను.
నట్టేట మునిగిన జెండాకూలీలుః
జనసేన పార్టీలో ఇన్నాళ్లూ పవన్కళ్యాణ్ అభిమానులుగా, పార్టీ సైనికుల్లా పనిచేసినోళ్లంతా చంద్రబాబు ములాఖత్ మిలాఖత్ ప్రకటనతో కళ్లు తెరుచుకున్నారు. తామంతా పవన్కళ్యాణ్ ముఖ్యమంత్రి అవుతాడని ఒక పక్కన కష్టపడుతుంటే.. ఆయనేమో చంద్రబాబు చంకలో దూరి.. నా దత్తతండ్రి బాబే సీఎం అంటాడేంటని విస్మయం చెందుతున్నారు. ప్రజారాజ్యంలో యువరాజ్యం సభ్యులుగా పనిచేసి ఆరోజు అవమానపడ్డారు. ఈరోజు జనసేన పార్టీ పేరిట మరోమారు ఆత్మగౌరవాన్ని చంద్రబాబు కాళ్ల దగ్గర తాకట్టుపెట్టుకున్నారు. టీడీపీ, జనసేన పొత్తు పేరిట రాజమండ్రి సెంట్రల్ జైల్ సాక్షిగా పవన్కళ్యాణ్ ప్రకటనతో ఆయన్ను నమ్ముకున్న అమాయకులైన జనసేన కేడర్ ఇదే భావనలో ఉన్నారు. తామెప్పటికీ జెండాకూలీలుగానే మిగిలిపోవాల్సిందేనా అంటూ మథనపడుతున్నారు.
వళ్లు దగ్గరబెట్టుకో.. తరిమికొడతారుః
పిచ్చోడు చేతిలో రాయి ఎటు పడుతుందో.. ఎవరి తల పగులకొడుతుందో తెలియదంటారు కదా..? అలాంటి మానసిక రోగి, పిచ్చోడు ఈ పవన్కళ్యాణ్. తనను నమ్ముకున్నవాళ్లందర్నీ గంపగుత్తగా చంద్రబాబుకు అమ్ముకోవాలనే ప్రణాళిక ఇంకా ఎన్నాళ్లు నడుపుతాడు..? అందుకే, ఆయన అభిమానులకూ.. కాపు సోదరులకూ పవన్ పిచ్చి తెలిసిపోయింది. కనుక, ఇక వాళ్లంతా ఈ పిచ్చోడ్ని శాశ్వతంగా దూరం పెట్టేందుకు సిద్ధమైయ్యారు. చంద్రబాబు దత్తపుత్రుడో.. వాళ్ల ఇంట్లో పెంపుడు కుక్కో.. లేదంటే, కట్టప్పలాంటి బానిసగా ఉంటాడో.. మాకు మాత్రం ఆయనతో అవసరం లేదని ఊరూరా పవన్కళ్యాణ్ను ఇన్నాళ్లూ అభిమానించిన ప్రజలు అనుకుంటున్నారు. మరి, ఇలాంటి నీచమైన స్థాయిలో ఉన్న పవన్కళ్యాణ్ రాష్ట్రంలో విశేష ప్రజాదరణతో ఉన్న జగన్ గారిపై నోరుపారేసుకుంటే.. ప్రజలే రాళ్లతో తరిమితరిమి కొడతారని హెచ్చరిస్తున్నాను.
